Werfsonde

In Hillbrow, Berea en Doornfontein is die die prostitute volop. In nabygeleë Yeoville is die wit mense skaars. Die honde blaf mens wakker en die sjebiens bly laat oop. Soms moet jy betreders in jou tuin met ’n rewolwer verjaag. Dit is in hierdie nuwe Johannesburg, met sy inwoners van regoor Afrika, waar ’n Afrikaanse man saam met sy Zoeloe-vrou Lungi en haar seun Jomo ’n lewe probeer uitkerf. Hierdie onverskrokke verslag van ’n onkonvensionele gesinslewe, seks in agter­straatbordele en lang aande van drink word ’n hipnotiese, snaakse en nostalgiese portret van ’n wêreld in oorgang, van die winste en verliese van ’n nuwe soort bestaan. Dalk is ’n ander Suid-Afrikaanse lewe moontlik.

In hierdie video-onderhoud met Beeld bespreek Kleinboer die verskille tussen sy opsraakwekkende debuutroman, Kontrei en sy jongste roman, Werfsonde. Hy gesels ook oor hoe vrouens op die boek mag reageer en wat hy vir sy derde roman beplan.